როგორც მარტვილიდან გვაცნობეს, დღეს მარტვილში პრემიერ მინისტრს ელოდებიან. იგი ოფიციალურად წარადგენს კოალიცია,, ქართული ოცნების'' მაჟოროტარობის კანდიდატს სოსო დანელიას.
მარტვილის # 65 საარჩევნო ოლქში პარლამენტის შუალედური არჩევნების ჩატარება განაპირობა მარტვილის მაჟორიტარი დეპუტატის ნაულ ჯანაშიას გარდაცვალებამ.
, შუალედური არჩევნების ჩატარება დაგეგმილია საგარეჯოშიც, რადგანაც 2012 წელს ამ რაიონიდან არჩეული მაჟორიტარი დეპუტატი თინა ხიდაშელი თავდაცვის მინისტრად დაინიშნა და საგარეჯოს მაჟორიტარი დეპუტატის უფლებამოსილება შეუწყდა.
ცენტრალური საარჩევნო კომისიის გადაწყვეტილებით არჩევნები მარტვილსა და საგარეჯოში პარლამენტის შუალედური არჩევნები 31 ოქტომბერს ჩატარდება.
შეგახსენებთ, არასაპარლამენტო ოპოზიციაში შემავალმა 11 პოლიტიკურმა პარტიამ შუალედურ არჩევნებს მარტვილსა და საგარეჯოში ბოიკოტი გამოუცხადა იმ მოსაზრებით, რომ დაპირების მიუხედავად "ქართულმა ოცნებამ" არ გააუქმა მაჟორიტარული სისტემა იმის მიუხედავად, რომ "ქართული ოცნების" ლიდერები, როდესაც პოლიტიკური გაერთიანება "რვიანის" წევრები იყვნენ, შიმშილობდნენ მაჟორიტარული სისტემის გაუქმების მოთხოვნით."ქართული ოცნების" ხელისუფლებაში მოსვლის შემდეგ არ შეცვლილა მაჟორიტარული სისტემა, არ შემოღებულა ბიომეტრიული სიები, არ დაკომპლექტებულა პარიტეტული წესით საარჩევნო ადმინისტრაცია. ამასთან შუალედურ არჩვენებში მონაწილეობას არავითარი აზრი აქვს, რადგან საქართველოში არადემოკრატიული საარჩევნო სისტემა მოქმედებს.
არასაპარლამენტო ოპოზიციის ბოიკოტს შეუერთდა ერთიანი ნაციონალური მოძრაობაც