მთავარისიახლეებისამართალი,,ყავარჯნიანი კაცი არ იყო თანამშრომელი, ის აი ამ ავაზაკებს ჰყავდათ დაქირავებული ამ...

,,ყავარჯნიანი კაცი არ იყო თანამშრომელი, ის აი ამ ავაზაკებს ჰყავდათ დაქირავებული ამ საზიზღრობის გასაკეთებლად. უხდიდნენ 35 ლარს”- აცხადებს ,,კასრების საქმეზე” მსჯავრდებული კობა თოდუას მეუღლე.

Published on

ჟურნალისტ ნანუკა ჟორჟოლიანის მიერ სოციალურ ქსელში დასმულ კითხვას , თუ ვინ არის , სად მუშაობდა და დაკავებულია თუ არა ის ყავარჯნიანი მანიაკი, რომელიც წამებისა და ძალადობის ამსახველ  ვიდეოკადრებში ფიგურირებს, ამ   საქმეზე მსჯავრდებული  კობა თოდუას მეუღლე ეხმაურება. იგი ამ პოსტზე დართულ თავის კომენტარში აცხადებს, რომ მისი მეუღლე   უდანაშაულოა, რაც ექსპერტიზამაც დაადასტურა და სასჯელს იმ ნამდვილი დამნაშავეების ნაცვლად იხდის, რომელთაც ხელისუფლება მფარველობს. გთავაზობთ მის განცხადებას უცვლელი სახით:  

„მე ვარ დავით ნარმანიას ბიძაშვილის კობა თოდუას მეუღლე და დღეს სასჯელს ვიხდით უსამართლოდ. დიახ მე არ მეშინია ჩემი ვინაობის გამხელის, რადგან ვარ უდანაშაულო. ექსპერტიზამაც კი დაამტკიცა, რომ კობა არ ჩანს აუდიო და ვიდეო ჩანაწერზე, 10-დან 8 მოწმე ამტკიცებდა, რომ თოდუა არ მონაწილეობდა ამ საზიზღრობაში. მაგრამ ცრუ ჩვენება ვინ მისცა – ბალოიანმა, რომელიც თვითონ აწამებდა ხალხს, ხვიტიამ, რომელიც ასევე დამნაშავეა. ყავარჯნიანი კაცი არ იყო თანამშრომელი, ის აი ამ ავაზაკებს ჰყავდათ დაქირავებული ამ საზიზღრობის გასაკეთებლად. უხდიდნენ 35 ლარს.

2-ჯერ პრესკონფერენცია მოვაწყვე, მაგრამ არავინ არ გააშუქა. გარდა ამისა არასამთავრობო ორგანიზაციებს მივმართე, სადაც მოვითხოვდი საქმეში არსებულ დარღვევებზე რეაგირებას, მაგრამ არ მოინდომეს. მარტო 2 ადამიანი არ არსებობს, კიდევ ბევრი ადამიანი დადის დაუსჯელი, ისეთები ვისზეც დაზარალებულები საუბრობდნენ,.

გარდა ამისა, ბალოიანი დაკავებულიც არ ყოფილა, ხოლო ხვიტიას და შონიას მხოლოდ 2 წელი მიესაჯა საპროცესო გარიგებით. ხვიტია, რომელიც ყოველგვარი ექსპერტიზის გარეშე ჩანს კადრებში. პროკურატურას უნდოდა სისტემური ყოფილიყო, მაგრამ მტკიცებულების არ ქონის გამო, ეს ფაქტი გამოირიცხა.

ჩვენ ვიყავით მომხრე, სასამართლო პროცესები ღია ყოფილიყო, მაგრამ პროკურატურამ მოითხოვა დახურვა, რადგან დაზარალებულების უფლებებს ვიცავთო. მერე რაც მოხდა, ვისი უფლებები დაიცვეს, როცა ეს კადრები საჯარო გახდა, რისთვის სჭირდებათ ეს ყველაფერი, უკვე ნათელია“, – წერს თოდუას მეუღლე.

 

 

 

სიახლეები

საერთოდ ჩაიტანოს თუ უნდა დედამიწამ! – ნიკა გვარამია ივანიშვილზე

„კოალიცია ცვლილებისთვის“ ლიდერი ნიკა გვარამია აცხადებს, რომ მხარს უჭერს დიდი ბრიტანეთის მთავრობის მიერ ტელეკომპანიების...

ქვემო ფონიჭალაში მომხდარ აფეთქებაზე გამოძიება დაიწყო

ქვემო ფონიჭალაში მომხდარ აფეთქებასთან დაკავშირებით გამოძიება სისხლის სამართლის კოდექსის 240-ე პრიმა მუხლის პირველი ნაწილით...

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა

აშშ-ის, ჩინეთისა და რუსეთის ლიდერებს შორის პირველი სამმხრივი შეხვედრა დასრულდა. ამის შესახებ ინფორმაციას რუსული...

გერმანიის საელჩო “რუსთავი 2-ს” დეზინფორმაციის გავრცელებაში ადანაშაულებს

გერმანიის საელჩო ტელეკომპანია „რუსთავი 2-ს“ დეზინფორმაციის გავრცელებაში ადანაშაულებს. დიპლომატიური უწყების განცხადებით, ტელევიზიამ საქართველოს მეხუთე...