სახალხო დამცველი უჩა ნანუაშვილი აუცილებლად მიიჩნევს, რომ სახელმწიფო ხელისუფლების ორგანოებმა, ერთის მხრივ ყველა ზომა უნდა გაატარონ წამების და სექსუალური ძალადობის ამსახველი ვიდეოკადრების გავრცელების პრევენციისათვის, ხოლო გავრცელების შემთხვევაში, ისე როგორც ეს მოხდა 17 ოქტომბერს, ყველა დამნაშავე პირმა უმოკლეს დროში უნდა აგოს პასუხი.
"წამების და სექსუალური ძალადობის ამსახველი კადრების გავრცელებაში დამნაშავე პირები უმოკლეს დროში უნდა დაისაჯონ, სახელმწიფო მსგავსი კადრების გავრცელების პრევენციისათვის კი ხელისუფლების ორგანოებმა ყველა ზომა უნდა გაატარონ"- ნათქვამია სახალხო დამცველის დღევაბნდელ განცხადებაში. – 17 ოქტომბერს დაწყებული გამოძიება 17 ოქტომბერს ვიდეოკადრების გავრცელებასთან დაკავშირებით უმოკლეს ვადებში უნდა დასრულდეს. გამოძიების მიმდინარეობას სახალხო დამცველის აპარატი მონიტორინგს გაუწევს.