დღეს არა მხოლოდ “რუსთავი-2″-ის და მედიის თავისუფლების ხარისხის ბედი წყდება, არამედ სასამართლო დამოუკიდებლობისაც , – აცხადებს  მედიაექსპერტი ზვიად ქორიძე. 

“მე მაინც მგონია, რომ პროცესები ცოტა სხვაგვარად წარიმართება. ყოველ შემთხვევაში, თავად მოსამართლემ და იმ ადამიანებმა, ვინც დღეს ამ პროცესში მიიღებენ მონაწილეობას, ძალიან კარგად უნდა გააცნობიერონ, რომ საქართველოს ისევე სჭირდება დამოუკიდებელი და ძლიერი მედია, როგორც სჭირდება დამოუკიდებელი და ძლიერი სასამართლო”, – განაცხადა ზვიად ქორიძემ და დასძინა, რომ დღეს სწორედ ამ ორი ტესტის ჩაბარება მოუწევს ერთ მოსამართლეს.

„"ივანიშვილის ხელისუფლების დასასრულის დასაწყისი"- ასე აფასებს ელისო კილაძე "რ2"-ის სასამართლო პროცესს. ხელისუფლება მოსამართლე თამაზ ურთმელიძის ხელით ებრძვის მედიას, რუსთავი 2“ გამონაკლისი არაა, ყველა გაზეთს საქმე წააგებინა ურთმელიძემ. თუ დღეს გაუვათ "რუსთავი 2"-თან ხვალ გაუვათ ყველა იმ მედიასაშუალებასთან, რომელიც ივანიშვილს ნერვებს უშლის და ხელისუფლების ნაკლოვანებებს ააშკარავებს. მე მინდა გავაფრთხილო ჩემი მეგობრები „ქართული ოცნებიდან“, სააკაშვილის იმიჯის დემონტაჟი დაიწყო იმედის დარბევის მერე, ივანიშვილის ხელისუფლების დასასრულის დასაწყისი დაიწყება "რუსთავი 2“-ის წინააღმდეგ ძალისმიერი ან თუნდაც ე.წ სამართლებრივი მექანიზმების ამოქმედების შემდეგ. ივანიშვილს და ღარიბაშვილს ამ ქმედებებს არავინ არ გაუპრავებს უცხოეთში, რადგან დამოუკიდებელი მედია ბოლო 20 წლის განმავლობაში ერთადერთი მონაპოვარია. მე მოვუწოდებ ხელისუფლებას შეწყვიტოს მედიის წინააღმდეგ ეს მასკარადი. ურთმელიძე არაა მოსამართლე, ისაა მედიაზონდერი“- განაცხადა ელისო კილაძემ.