დღეს საქართველოს პარლამენტის საფინანსო-საბიუჯეტო კომიტეტში მომავალი წლის ბიუჯეტის პროექტის განხილვა იწყება.
2016 წლის ქვეყნის მთავარი ფინანსური დოკუმენტს ფინანსთა მინისტრის მოადგილე წარადგენს.
2016 წლის ბიუჯეტის პარამეტრები ცნობილია, იგი სამ პროცენტიან ზრდას ითვალისწინებს და ის 10 მილიარდ ლარს აღწევს. ბიუჯეტი 3 პროცენტიან ეკონომიკურ ზრდაზე და 4-4,5 პროცენტიან ინფლაციაზეა დაგეგმილი. მთავრობის პრიორიტეტი გასული წლების მსგავსად 2016 წელსაც სოციალური პროგრამები იქნება – პრიორიტეტად კვლავ ჯანდაცვა და განათლება რჩება.
კანონმდებლებს ბიუჯეტთან დაკავშირებით არაერთი კითხვა აქვთ. განსაკუთრებული აქცენტი ადმინისტრაციულ ხარჯებზე კეთდება.