ოკუპირებულ აფხაზეთში სოხუმის საგამოძიებო იზოლატორიდან ს გაქცეულ პატიმრებს ბაჩო ხასიას და ბიძინა ხაზალიას ეძებენ. დე ფაქტო აფხაზეთის რესპუბლიკის შინაგან საქმეთა სამინისტროს ცნობით, მსჯავრდებულები 1 ოქტომბერს, 04:00 საათზე გაიქცნენ საკნის ქვეშ გაყვანილი გვირაბით და მიმალვა მოახერხეს. .
გაქცეულებს 2009 – 2011 წლებში, გალის რაიონში მომხდარ მოქალაქეთა გატაცებასა და ყაჩაღურ თავდასხმაში ედებათ ბრალი, მათგან ერთს – 19, მეორეს 11 წლით თავისუფლების აღკვეთა აქვთ მისჯილი.