ანაკლიაში მეთევზეებმა გარდაცვლილი საპატრულო პოლიციის თანამშრომლის გვამი აღმოაჩინეს. არსებული ინფორმაციით, მან თავი მოიკლა, გარდაცვლილს შუბლზე ცეცხლსასროლი იარაღიდან მიყენებული ჭრილობა აღენიშნება. ამ წუთებში შემთხვევის ადგილზე სამართალდამცველები და ექსპერტ-კრიმინალისტები მუშაობენ. გარდაცვლილი 32 წლის გიორგი ს. – იაა. ის წარმოშობით ოკუპირებული საბერიოდანაა და ზუგდიდის საპატრულო პოლიციის ასმეთაურად მუშაობდა. შემთხვევის ადგილზე ნაპოვნია ტაბელური იარაღი, რომლიდანაც სავარაუდოდ მოხდა გასროლა. შსს -ის ინფორმაციით, საქმე აღძრულია 115 -ე მუხლით, რომელიც თვითმკვლელობამდე მიყვანას გულისხმობს. შემთხვევის ადგილზე მუშაობას განაგრძობს ტელეკომპანია ‘ოდიში’ -ს გადამღები ჯგუფი. ვიდეოკადრებს ანაკლიიდან უახლოეს პერიოდში საინფორმაციო სააგენტო ODISHINEWS -ზე შემოგთავაზებთ.