აფხაზეთში განვითარებული ტრაგიკული მოვლენებიდან 22 წელი გავიდა. 27 სექტემბერს, სოხუმის დაცემის დღეს სამეგრელო – ზემო სვანეთის რეგიონში აფხაზეთის მთავრობის წარმომადგენლობის ინიციატივით ენგურის ხიდზე გაიმართება სამგლოვიარო აქცია “დაცემიდან – ჯვართამაღლებისკენ”.
დილის 10 საათზე მაცხოვრის კარის ეკლესიაში მამა გიორგი ჯგუშია აღავლენს პარაკლისს ომში დაღუპულთა სულის მოსახსენიებლად. ტაძრიდან დაიწყება მსვლელობა ოკუპირებულ აფხაზეთთან პირობითი საზღვრისკენ ენგურის ხიდზე ,მსვლელობაში მონაწილეობას მიიღებენ აფხაზეთის ლეგიტიმური და სამეგრელო -ზემო სვანეთის რეგიონის, ზუგდიდის ადგილობრივი ხელისუფლების, არასამთავრობო სექტორის, სამოქალაქო საზოგადოების და ახალგაზრდობის წარმომადგენლები. ღონისძიების პროგრამის დასკვნითი ნაწილის ორგანიზატორია ზუგდიდის მერია.