თბილისის ყოფილი მერს გიგი უგულავას თბილისის საქალაქო სასამართლომ საბოლოოდ სასჯელის სახით 4 წელი და 6 თვე განუსაზღვრ, მსჯავრდებული წუხელვე გადაიყვანეს ე.წ. მატროსოვის ციხეში, საიდანაც ის გუშინწინ, 15 თვიანი პატიმრობის შემდეგ გაათავისუფლეს საკონსტიტუციო სასამართლოს გადაწყვეტილების საფუძველზე.
საქალაქო სასამართლოში განაჩენის გამოცხადების შემდეგ გიგი უგულავას ადვოკატმა ბექა ბასიალაიამ განაცხადა,რომ დაცვის მხარე ყველა სამართლებრივ ზომას მიმართავს სასამართლოს ამ გადაწყვეტილების შეცვლისთვის და მოსამართლის მიერ მიღებული განაჩენის გამამტყუნებელ ნაწილს სააპელაციო წესით გაასაჩივრებს.
„ამ მოცულობაში, რაც დღეს გვაქვს, სამართლებრივი გზები საკმაოდ შეზღუდულია, იმიტომ, რომ სასამართლოზე არის უპრეცედენტო ზეწოლა. აქედან გამომდინარე, მნიშვნელოვანი იქნება არასამთავრობო ორგანიზაციებისა და დიპლომატიური კორპუსის აქტიურობა. მე მჯერა, რომ სასამართლოს ინსტანციების გავლამდეც ჩვენ ვიპოვნით იმ სამართლებრივ მექანიზმებს, რითიც ხელისუფლებას უკან დავახევინებთ ,“ – აცხადებს იგი.