ეროვნული ვალუტა უფასურდება. უცხოურ ვალუტასთან მიმართებაში ლარი გაუფასურებას განაგრძობს. საქართველოს ეროვნულმა ბანკმა ლარის ოფიციალური გაცვლითი კურსი დაადგინა, რომლის მიხედვით, ეროვნული ვალუტის კურსი დოლართან მიმართებაში გაუფასურდა. კერძოდ, ხვალიდან ერთი აშშ-ის დოლარის შეძენა 2,41 ლარად იქნება შესაძლებელი. ეროვნული ბანკის მიერ დადგენილი კურსი, რომელიც დღეს მოქმედებდა, 2,36 ლარს შეადგენდა. ეროვნული ვალუტა ასევე ევროსთან მიმართებაშიც გაუფასურდა. საქართველოს ეროვნული ბანკის მიერ დადგენილი კურსის თანახმად, ხვალ ერთი ევროს შეძენა 2,77 ლარად იქნება შესაძლებელი, მაშინ, როცა დღეს მოქმედი კურსი 2,71 ლარს შეადგენდა.  ეროვნული ბანკისგან გასხვავებით გაცილებით ძვირი ღირს უცხოური ვალუტა კომერციულ ბანკებში. TBC ბანკში ერთი აშშ-ის დოლარის შეძენა 2,44 ლარადაა შესაძლებელი. იგივე კურსია საქართველოს ბანკშიც. ფინკა ბანკში ერთ დოლარი  2,45 ლარი ღირს. VTB ბანკში კი ერთი აშშ დოლარი 2,47 ლარი გახდა. კომერციულ ბანკებში გაცილებით ძვირი ღირს ერთი ევრო, რომლის შეძენა 2,83 ლარადაა შესაძლებელი.