ორიოდ წუთის წინ ჟურნალისტმა ლაშა ბერულავამ საკუთარ წყაროებზე დაყრდნობით სოციალურ ქსელში გაავრცელა შემდეგი ინფორმაცია:
აბსოლუტურად სანდო პირისგან მიღებული ინფორმაციით, ზუგდიდის საჯარო სკოლების დირექტორებს დაურეკეს "გავლენიანმა" პირებმა, რომლებიც დაინტერესდნენ, იყვნენ თუ არა ზუგდიდელი მოსწავლეები ფოთში ან ბათუმში, "რუსთავი-2"-ის კონცერტზე, ამასთან, სრულიად კონკრეტულად დაავალეს მათ, გააკონტროლონ მოსწავლეები და მაქსიმალურად ეცადონ, არ დაუშვან, რათა ისინი მივიდნენ "რუსთავი-2"-ის კონცერტზე ზუგდიდში.
როგორც ხშირად ხდება, ერთერთი საჯარო სკოლის დირექტორმა დამრეკავებს უთხრა, რომ დირექტორების მოვალეობა არ არის, გააკონტროლონ, სად წავლენ მოსწავლეები ზაფხულის არდადეგების დროს, ამავდროულად, მკაცრად შეახსენა მათ, რომ სწორედ ასეთი ზარებითა და მობილიზაციით წაასხეს მოსწავლეები ძალადობის ამსახველი კადრების შემცველი ფილმის პრეზენტაციაზე ფოთსა და ზუგდიდში.
თუმცა, ჩემი ინფორმაციით, სკოლების დირექტორთა უმრავლესობამ სრულიად უდრტვინველად და სინდისის ქენჯნის გარეშე მიიღო ეს დავალება. ''– წერს ლაშა ბერულავა.
შეგახსენებთ, რომ რუსთავი 2 – ის მიერ ორგანიზებული კონცერტი ზუგდიდში 15 აგვისტოს არის დაგეგმილი