საქართველოს უმსხვილესი ენერგოგამანაწილებელი კომპანია ენერგო-პრო ჯორჯია იყიდება, ამის შესახებ ინფორმაციას კომპანიის გენერალური დირექტორის მოადგილე მიხეილ ბოცვაძეც ადასტურებს. კომპანიის გაყიდვის შესახებ მოლაპარაკებები პრაღაში, კომპანიის სათავო ოფისშიც მიმდინარეობს. უცნობია თუ რა ფორმით შედგება გარიგება და კომპანიის რა წილი გადაეცემა ახალ მეპატრონეს. უკვე გამოკვეთილია ჯგუფები, ვინც კომპანიის შესყიდვით შეიძლება იყვნენ დაინტერესებულნი.
კომპანიის გაყიდვის ერთ-ერთი მიზეზი სემეკის მიერ ენერგო-პრო ჯორჯიას მოთხოვნების არასრული დაკმაყოფილებაა. კომპანიას ფინანსური პრობლემები ლარის გაუფასურების გამო შეექმნა. გაჩერების პირას ვართ და ვცდილობთ სასწრაფო წესით დავტოვოთ ქვეყანა", – განაცხადა მიხეილ ბოცვაძემ.
ჩეხური კომპანია ენერგო-პრო ქართულ ბაზარზე 2007 წელს შემოვიდა. იგი კახეთისა და თბილისის გამოკლებით მთელი საქართველოს ენერგომომმარაგებელია. კომპანიის მფლობელობაში 15 ჰიდროელექტროსადგურია.