დღეს გაიმართა საქართველოს ენერგეტიკისა და წყალმომარაგების მარეგულირებელი ეროვნული კომისიის – სემეკის სხდომა, რომელმაც "ენერგო პრო ჯორჯიას" მომხმარებელთათვის ელექტროენერგიის ტარიფის 3,348 თეთრით (დღგ – ს გარეშე) გაზრდის გადაწყვეტილება მიიღო.
შეგახსენებთ, რომ კომპანია "ენერგო პრო ჯორჯია'' სემეკისადმი მიმართვაში ტარიფის ზრდას 4,8 თეთრით ითხოვდა, თუმცა კომისიამ ეს მოთხოვნა არ გაითვალისწინა. დღეს მოქმედი ტარიფები საფეხურების მიხედვით განსხვავებულია: კერძოდ, 0-100 კვტ/სთ-ზე და საერთო მოხმარების მრიცხველის მქონე აბონენტებისთვის – 7,630 თეთრი; 101-300 კვტ/სთ – 11,000 თეთრი; 301 კვტ/სთ და მეტი – 14,830. ახალი ტარიფი, შესაბამისად, 10,978, 14,348 და 18,178 თეთრით განისაზღვრა.
" ტარიფის კორექტირება ძირითადად განპირობებული იყო იმ კომპონენტებით, რომელშიც ვალუტის კურსი გავლენას ახდენს, კერძოდ,თბოელექტროსადგურები და იმპორტირებული ელექტროენერგია. ეს არის სამართლიანი ტარიფი, რომელიც მოსახლეობის უწყვეტ და საიმედო ენერგომომარაგებას უზრუნველყოფს" – განუცხადა ჟურნალისტებს კომიიის თავმჯდომარემ ირინა მილორავამ დღევანდელი სხდომის დასრულების შემდეგ და დასძინა, რომ ახალი ტარიფი ძალაში 2015 წლის 1-ლი აგვისტოდან შევა.