ზუგდიდის საგამოცდო ცენტრში პირველ გამოცდაზე ქართულ ენასა და ლიტერატურაში 416 აბიტურიენტი გამოცხადდა, თუმცა სიაში კიდევ 11 ახალგაზრდა იყო. მათი გამოუცხადებლობის მიზეზები ამ დროისთვის დაუდგენელია, საგამოცდო ცენტრის ხელმძღვანელობა ვარაუდობს, რომ მათი უმრავლესობა . აფხაზეთიდან არის.
პასუხი კითხვაზე, თუ რამდენი აბიტურიენტი იყო დარეგისტრირებული ოკუპირებულ ტერიტორიაზე მცხოვრები ახალგაზრდებიდან, საგამოცდო ცენტრში არა აქვთ, მონაცემები აბიტურიენტთა შესახებ ერთიან ბაზაში ინახება, მაგრამ ცნობილია, რომ გამოცდების ჩასაბარებლად ახალგაზრდები აფხაზეთიდანაც გადმოვიდნენ.
საგამოცდო ცენტრის ხელმძღვანელის ნანა ქირიას ინფორმაციით, ზუგდიდის საგამოცდო ცენტრში სულ 1800 აბიტურიენტია დარეგისტრირებული, დღეს ტესტირებას პირველი ნაკადი გადის.
საგამოცდო პროცესი მთელ საქართველოში მშვიდ ვითარებაში მიმინარეობს, თუ არ ჩავთვლით მცირე ინცინდენტს, რომელიც თბილისსი, ტექნიკური უნივერსიტეტის სენობასი განღავსებყლ საგამოცდო ცენტრში მოხდა – საპატრულო პოლიციას ნასვამ მდგომარეობაში მოსული აბიტურიენტის შემოწმება, ხოლო საგამოცდო ცენტრს გამოცდიდან მისი მოხსნა მოუხდა წინასაგამოცდო სტრესის განეიტრალების ასე უჩვეულო მეთოდის გამოყენებისათვის.
სხვა რაიმე სახის დარღვევები არ დაფიქსირებულა.