უკრაინული მედია აქტიურად განიხილავს მიხელ სააკაშვილზე შესაძლო თავდასხმის საკითხს ოდესაში პოლიციის ოფიცრის ამასწინათ მომხდარ მკვლელობასთან კონტექსტში.
კერძოდ, მედია ოდესის ოლქის პოლიციის სამმართველოს მაღალჩინოსანზე დაყრდნობით წერს, რომ თავდამსხმელი, რომელმაც 26 ივნისს ოდესაში სამართალდამცველებს ესროლა და პოლიციის უფროსი ლეიტენანტი რომან ტრუფკინი შეიწირა, კატაკომბებში მაკაროვის სისტემის პისტოლეტს მალავდა.
ინცინდენტი დაიწყო იმით, რომ პოლიციელებმა საეჭვო ქცევის მამაკაცი იმ მომენტში შენიშნეს, როცა კატაკომბების შესასვლელთან ტელეფონის შუქზე ეძებდა რაღაცას. შეკითხვაზე, თუ რას ეძებდა და ხომ არ შეძლებდნენ მის დახმარებას, მამაკაცი მოულოდნელად გაიქცა და დადევნებულ პოლიციელებს ცეცხლი გაუხსნა, რასაც ემსხვერპლა კიდეც ერთერთი მათგანი. მან ასევე დაჭრა მეორე პოლიციელი, რომელიც თავის კოლეგებთან ერთად შემთხვევით გადაეყარა მას, როცა გარბოდა. საბედნიეროდ პოლიციელი სიკვდილს გადაურჩა.
ირკვევა, რომ თავდასმსხმელს სამი სხვადასხვა იარაღი ჰქონდა, ტყვიები, რომლითაც იგი „ტტ“-ს მარკის პისტოლეტიდან ისროდა, გადაკეთებული იყო, იარაღი არა „ტტ“- ს, არამედ პნევმატური იარაღის, ამასთან, გადაკეთებული ტყვიებით იყო ადატენილი, ვაზნებში რეზინის ნაცვლად რკინის გულები ეწყო და ამიტომაც, როცა პოლიციელს მოხვდა, სხეულში ნამსხვრევებად გაიშალა.
,,ვინაიდან ეს ყველაფერი დაქირავებული მკვლელის შეიარაღებას ჰგავს და ამასთან ადგილი, სადაც თავდამსხმელს პისტოლეტი ჰქონდა ჩაფლული, იმ ადილის სიახლოვესაა, სადაც ოდესის ოლქის გუბერნატორი მიხეილ სააკაშვილი დილაობით სავარჯიშოდ დარბის, სამართალდამცველები ერთერთ ვერსიად მასზე ტერაქტის მცდელობას განიხილავენ “, – ამბობს წყარო.
საყურადღებოა, აგრეთვე, რომ თავდამსხმელი ინციდენტის ადგილიდან მიიმალა „ბმვ“-ს მარკის ავტომანქანით, რომელსაც ლიტვის სახელმწიფო ნომერი ჰქონდა.
შეგახსენებთ, რომ ექსპერტებმა და პოლიტიკოსებმა არაერთხელ გამოთქვეს ვარაუდი, რომ მიხეილ სააკაშვილის სიცოცხლე საფრთხეშია. ამ აზრს იზიარებს მწერალი და პუბლიცისტი არტურ ბალაევი, რომლის სტატია ,,ვინ დაიქირავა ქილერი მიხეილ სააკაშვილისთვის?“ განთავსებულია ,,ოდიში ნიუსის’’ 30 ივნისის მასალებში რუბრიკით ,, თვალსაზრისი“
სურათზე: მიხეილ სააკაშვილმა დაღუპული პოლიციელის ხსოვნას მკვლელობის ადგილზე მიაგო პატივი .