პარლამენტმა დღეს განიხილა სახალხო დამცველის ანგარიში 2014 წლის ადამიანის უფლებების მდგომარეობის შესახებ. დოკუმენტი, რომელიცსახალხო დამცველის აპარატმა მოამზადა 900 გვერდისგან შედგება, მასში საუბარია გახმაურებულ საქმეებზე, უმცირესობის უფლებებზე და ძალოვანი უწყებების საქმიანობაზე.
ანგარიშში საუბარია როგორც ძველ, მათ შორის მერიისა და საკრებულოს თანამშრომლების დაკავებასთან, წიკლაურის ცემის ფაქტთან, მერაბიშვილის საპატიმროდან გაყვანასთან დაკავშირებულ საქმეებზე, ასევე შედარებით ახალ, მაგალითად, კაბელების საქმეზე.
,,ძალიან ბევრ საქმეზე არსებობდა კითხვის ნიშანი. არის ბევრი პრობლემა. ერთ-ერთი არის პროკურატურა და ასევე იუსტიციის უმაღლესი საბჭო, რომელმაც გასულ წელს არცერთი ჩვენი წინადადება არ გაითვალისწინა,“- განაცხადა უჩა ნანუაშვილმა.
ომბუდსმენმა პაუხი გასცა როგორც საპარლამენტო უმრავლესობის ისე უმცირესობის წარმომადგენლების შეკითხვებს. "სახალხო დამცველი ვერ გაექცა პოლიტიკურად მოტივირებულ საქმეებში არსებული დარღვევების აღწერას. სამწუხაროდ, სახალხო დამცველი ფაქტებს აღწერს დიდი სიზუსტით, მაგრამ ვერ ახერხებს დასკვნების გამოტანას,"-განაცხადა ჩიორა თაქთაქიშვილმა.
ამ წუთებში ოპარლამენტის სხდომა გრძელდება. კანონმდებლები ადამიანის უფლებათა დაცვის კომიტეტის თავმჯდომარისგან ეკა ბესელიასგან ისმენენ, თუ როგორ ასრულებენ უწყებები ომბუდსმენის რეკომენდაციებს.
რიგგარეშე ფორმატში გაგრძელდება მეორე მოსმენით შინაგან საქმეთა სამინისტროს რეფორმირების შესახებ კანონპროექტზე მსჯელობაც.