საქართველოს მესამე პრეზიდენტი მიხეილ სააკაშვილი ქართველი მებრძოლის კოსტანტინე (კოკა) ლაშხიას დაღუპვის ფაქტს ეხმაურება : ქართველი ოფიცერი, მარიუპოლის მცველი კოტე ლაშხია ასეულობით ქართველთან ერთად იბრძოდა უკრაინის დასაცავად, ისინი აქ ჩვენი საერთო მომავლის დასაცავად ჩამოვიდნენ. მე პირადად ვიცნობდი კოტე ლაშხიას. ძალიან ვწუხვარ…– წერს მიხეილ სააკაშვილი.
კოტე ლაშხია სოხუმელია. როგორც ირკვევა, იგი უბედური შემთხვევის მსხვერპლი გახდა ( ზღვაში დაიხრჩო). მას თანამებრძოლები კარგა ხნის განმავლობაში ეძებდნენ, იმედი ჰქონდათ, რომ ცოცხალი იყო, ან ტყვედ იყო აყვანილი, თუმცა, გუშინ მისი ცხედარი აზოვის ზღვაში იპოვეს.
,,კოკა დედისერთა იყო, ოჯახი რუსთავში ცხოვრობდა. მას მეუღლე და ორი ვაჟიშვილი დარჩა. იგი საქართველოსთვის მნიშვნელოვან ყველა აქციაში ღებულობდა მონაწილეობას, ბოლოს კი უკრაინაში წასვლა გადაწყვიტა და წავიდა კიდეც…'' – წერენ მისი მეგობრები