დღეს, დილის ათი საათიდან გაზპრომმა გაზის მიწოდება შეუწყვიტა უკრაინას იმ მიზეზით, რომ უკრაინულმა მხარემ არ გადაიხადა ივლისში მისაწოდებელი სათბობის საფასური. ,, რუსეთი არავითარ ფასში არ მიაწოდებს გაზს უკრაინას წინასწარი გადახდის გარეშე'', განაცხადა გაზპრომის ხელმძღვანელმა ალექსი მილერმა მედიისათვის მიცემულ ინტერვიუში.

ამას წინ უსწრებდა  რუსეთის პრეზიდენტის ვლადიმერ პუტინის განცხადება იმის შესახებ, რომ რუსეთის მხარე უარს ამბობს უკრაინისთვის გაზის მიწოდებაზე შეღავათიან ფასებში, თუმცა ეს ფასი არ იქნება იმაზე მაღალი, ვიდრე პოლონეთისთვის განსაზღვრული საფასურია.

უკრაინა ამ ფაქტს მოუმზადებელი არ შეხვედრია, უფრო მეტიც, უკრაინისსახელმწიფო ენერგეტიკულმა კომპანიამ  ,,ნეფტეგაზმა'' თავად განაცხადა 30 ივნისს, რომ 1 ივლისიდან შეწყვეტს რუსეთისგან გაზის შესყიდვას, სანამ მიწოდების თაობაზე ახალ პირობებზე მოხერხდება შეთანხმება.მოლაპარაკების ახალი რაუნდი კი სექტემბერშია დაგეგმილი. 

უსეთმა უკრაინისგან ათას კუბურ მეტრ რუსულ გაზში 247,18 ს დოლარი მოითხოვა, რაც მნიშვნელოვნად აღემატება ფასს, რომელსაც უკრაინა აქამდე იხდიდა – 200 დოლარს ათას კუბურ მეტრ გაზში.  ახალი ფასი უკრაინას არ აწყობს,  თავის  მხრივ,რუსეთი თვლის, რომ 40 დოლარზე მეტი ფასდაკლების აუცილებლობა არ არსებობს, რადგან ამ შემთხვევაში ფასები საბაზროზე დაბალი იქნება.

 ,,ნეფტეგაზის'' განცხადებით, უკრაინის მიერ რუსულ გაზზე უარის თქმა არ გამოიწვევს შეფერხებას ევროპული ქვეყნებისკენ უკრაინის გავლით გაყვანილ სატრანზიტო გზებზე.