„ზუგდიდის ეკონომიკა და ინფრასტრუქტურა – მიღწევები და გამოწვევები“- შეხვედრა დემოკრატიული ჩართულობის ცენტრში.

„ზუგდიდის ეკონომიკა და ინფრასტრუქტურა – მიღწევები და გამოწვევები“ – ამ სახელწოდებით ზუგდიდის დემოკრატიული ჩართულობის ცენტრში ამავე ორგანიზაციის ინიციატივით შეხვედრა გაიმართა. ორგანიზატორების თქმით, საჯარო შეხვედრის მთავარი მიზანი მუნიციპალიტეტის მასშტაბით ეკონომიკასა და ინფრასტრუქტურაში ნახევარწლიანი მუშაობის შედეგების შეჯამება და დაგეგმილი სამუშაოების შესახებ ინფორმაციის მიწოდება იყო. მერიის ეკონომიკისა და ინფრასტრუქტურის სამსახურის უფროსი ჯიმშერ შეროზია შეკრებილებს ქალაქის მასშტაბით განხორციელებული და დაგეგმილი ინფრასტრუქტურული სამუშაოების შესახებ ესაუბრა.ჯიმშერ შეროზიას თქმით, იგეგმება ა ასევე წყალმომარაგებისა და კანალიზაციის  პრობლემის მოგვარება. რაც შეეხება ამ პროექტს, ის 2011-2012 წლებში დაიგეგმა, პროექტი აზიის განვითარების ბანკს უნდა დაეფინანსებინა.შეხვედრის განმავლობაში აქტიური იყვნენ დარბაზში მყოფი სხვადასხვა სფეროს წარმომადგენლები. გამოითქვა შენიშვნებიც. დღევანდელ შეხვედრას მერიის წარმომადგენლებთან ერთად სამოქალაქო სექტორის წარმომადგენლები, სტუდენტები და მოქალაქეები ესწრებოდნენ.