იუსტიციის მინისტრი პრემიერის ინიციატივას ეხმაურება: მე წინააღმდეგი არ ვიქნები, უბრალოდ ჩვენ საკონსტიტუციო უმრავლესობა არა გვაქვს

0
524

,,მე, როგორც პრემიერ-მინისტრი და როგორც საქართველოს მოქალაქე, ყველაფერს გავაკეთებ, რათა კონსტიტუციაში გაკეთდეს ჩანაწერი, რომ ქორწინება და ოჯახი არის ქალისა და მამაკაცის ერთობა, – აცხადებს საქართველოს პრემიერ-მინისტრი ირაკლი ღარიბაშვილი გაზეთ "ასავალ-დასავალთან" ინტერვიუში  –  ქართული სახელმწიფო სწორედ ჩვენს სარწმუნოებასა და ოჯახის ინსტიტუტზე დგას''.

პოლიტიკური ოპოზიცია პრემიერის განცხადებას კონსტუტუციაში მსგავსი ჩანაწერის აუცილებლობის შესახებ პოპულისტურს უწოდებს.

არც თუ დიდი ენთუზიაზმით  ეხმაურება პრემიერის ამ  ინიციატივას იუსტიციის მინისტრი თეა წულუკიანიც : ,,სამოქალაქო კანონმდებლობაში შავით თეთრზე წერია, რომ საქართველოში ოჯახი არის ქალისა და მამაკაცის ერთობა,  თუკი პრემიერის სურვილია, რომ ეს საკონსტიტუციო რანგში ავიდეს, მე წინააღმდეგი არ ვიქნები, უბრალოდ საკონსტიტუციო უმრავლესობა ჩვენ არ გვაქვს… ერთი რამ არის ძალიან მნიშვნელოვანი, ყველა ქვეყანაში კანონები ამ საკითხზე, თუ რა იგულისხმება ოჯახში, უნდა იყოს თუ არა ერთსქესიანი ქორწინება, დგინდება იმის მიხედვით, როგორია საზოგადოებრივი კონსენსუსი. ამერიკის შეერთებულ შტატებში, როგორც ჩანს, ამ თემაზე კონსენსუსი არსებობდა, მიიღეს ის გადაწყვეტილება, რომელიც მიიღეს და ეს მისაღებია იმ საზოგადოებისთვის. ვიდრე აქართველოში ეს კონსენსუსი არ არსებობს, ვერც ერთი ხელისუფლება, მათ შორის ჩვენი, ვერ გადადგამს რაიმე ტიპის ნაბიჯს, რომ შეცვალოს ეს კანონი. დღეს რაც არის კანონი, რომ ქალი და მამაკაცი ქმნის ოჯახს, ასეთადვე დარჩება ის საქართველოში, რადგან საქართველოს აზოგადოება სწორედ ასეთად მოიაზრებს ოჯახს ჩვენს ქვეყანაში.'' 

 

შეგახსენებთ, რომ ქართულ პოლიტიკურ წრეებსა და ფართო საზოგადოებაში ამ  საკითხის გარშემო დისკუსიის განახლება მოჰყვა აშშ– ს მიერ  ერთსქესიანთა ქორწინების დაკანონებას ქვეყნის ყველა შტატში 

წინა სტატიაუეფა –ს სუპერთასის თამაშზე დასასწრები ბილეთები ხვალიდან გაიყიდება
შემდეგი სტატიატელმანის უბნის მოსახლეობა ნაპირსამაგრი ზოლის სასწრაფოდ შეკეთებას ითხოვს.
ტელეკომპანია ოდიშის საინფორმაციო სამსახური