მთავარისიახლეებიკონფლიქტებიგალის ყოფილი გამგებელი რუსლან ქიშმარია თბილისის კლინიკაშია მოთავსებული. მის სიცოცხლეს საფრთხე აღარ...

გალის ყოფილი გამგებელი რუსლან ქიშმარია თბილისის კლინიკაშია მოთავსებული. მის სიცოცხლეს საფრთხე აღარ ემუქრება

Published on

Front News-ის ინფორმაციით, გალის რაიონის ყოფილი დე ფაქტო გამგებელი  და აფხაზეთის ე.წ წინა მოწვევის პარლამენტის წევრი რუსლან ქიშმარია  უმძიმეს მდგომარეობ აში გადმოიყვანეს გალიდან თბილისში,  „ნიუ ჰოსპიტალში“ , სადაც სასწრაფო ქირურგიული ოპერაცია ჩაუტარდა და ამჟამად რეანიმაციის განყოფილებაშია მოთავსებული. მისი მდგომარეობა შეეფარდება გადატანილ ოპერაციას და შედარებით სტაბილურია. 

შერიგებისა და სამოქალაქო თანასწორობის საკითხებში სახელმწიფო მინისტრი პაატა ზაქარეიშვილი არც უარყოფს და არც ადასტურებს ამ ინფორმაციას ისევე, როგორც მაისში გავრცელებულ ცნობას თბილისში დე-ფაქტო აფხაზეთის ექსპრეზიდენტის ალექსანდრე ანქვაბის მკურნალობის შესახებ. მისი თქმით,  ადამიანების პერსონალური  ინფორმაციიისგამჟღავნება  დაუშვებელი და ამავდროულად კანონის დარღვევას წარმოადგენს.“ეს არის მათი უფლება და ჩვენ პატივი უნდა ვცეთ ყველას, თუ გვინდა რომ ოკუპირებულ ტერიტორიაზე მცხოვრები მოსახლეობა პატივს სცემდეს და ენდობოდეს საქართველოს. ჩვენ ყველაფერი უნდა გავაკეთოთ, რათა მათი მდგომარეობა კიდევ არ დავამძიმოთ ინფორმაციის გავრცელებით”, – განაცხადა პაატა ზაქარეიშვილმა. 

ამგვარი პოზიციის მიზანშეწონილობას მოწმობს ის ფაქტიც, რომ ალექსანდრე ანქვაბი  ქართულ და აფხაზურ მედიაში გავრცელებული ინფორმაციის შემდეგ იძულებული გახდა კატეგორიულად უარეყო თბილისში თავისი მკურნალობის ფაქტი. კერძოდ, როგორც წინა კვირას ,,ოდიში ნიუსი''  აფხაზურ მედიაზე დაყრდნობით იუწყებოდა , რუსი ჟურნალისტის მიერ მისთვის მოსკოვში დასმული კითხვის პასუხად კითხვაზე , მან განაცხადა, რომ    ინფორმაცია არათუ მისი თბილისში მკურნალობის,  არამედ საერთოდ ოპერაციის შესახებ სრული  მონაჭორია:   

,,აფახაზური და ქართული საგაზეთო სატყუარის ამბავი მე მოკოვურ რესტორანში, ჩემი ძველი მეგობრის დაბადების დღის აღსანიშნავ სუფრაზე გავიგე, როცა მშვენიერ წითელ ღვინოს მივირთმევდი ახლობელთა წრეში.  ცოტა მეწყინა კიდეც, არ იქნებოდა ცუდი,  მეტი ეზრუნათ ჩემს ჯანმრთელობაზე და რაღა თბილისში, ჟენევაში ან კლივლენდში ,,გავემწესებინეთ''  .

რაც შეეხება რუსლან ქიშმარიას, შესაძლოა ამ ფაქტის დადასტურება ანქვაბის შესახებ ინფორმაციის გახმაურებისა და მისი შედეგების შესახებ კიდევ უფრო გაჭირდეს. მიუხედავად იმისა, რომ  თბილისში მკურნალობა საქართველოს ხელისუფლების მიერ შეთავაზებულ პირობებში აფხაზებისთვის საუკეთეო შანსია , ღიად ლაპარაკი იმაზე, რომ აფხაზური პოლიტიკური ელიტის ყოფილი და ამჟამინდელი წარმომადგენლები  თავს მოსკოვზე მეტად თბილისს ანდობენ, არაპოპულარულია. სხვათა შორის, აფხაზეთში ბევრი ჩუმად დრტვინავს, რომ თავის დროზე ასე უნდა მოქცეულიყო სერგეი ბაღაფშიც, რომელიც მოსკოვში, ფრიად საეჭვო ვითარებაში გარდაიცვალა.  ის უბრალოდ მოიშორა მოსკოვმა, რადგან ბოლო პერიოდში იგი მოსკოვისთვის რაღაც- რარაცებბში წინააღმდეგობის გაწევას ცდილობდა. თბილისი ამას არავითარ შემთხვევაში არ გააკეთებდა – ამბობენ აფხაზები.

სიახლეები

“მე თვალები თითებად ვაქციე…” – უკრაინელმა ქალმა წიგნი მზერის დახმარებით დაწერა

მარინა ბოროდინა ბავშვობიდან ოცნებობდა მსახიობობაზე. და მას ეს გამოუვიდა. ისწავლა ამერიკულ კინოაკადემიაში, აიწყო კარიერა...

ელენე ხოშტარიას 5000 ლარიანი საპატიმრო გირაო შეეფარდა

სასამართლომ ელენე ხოშტარიას 5000 ლარიანი საპატიმრო გირაო შეუფარდა - გადაწყვეტილება რამდენიმე წუთის წინ მოსამართლე...

პროკურატურამ ელენე ხოშტარიას მიმართ 5000 ლარიან საპატიმრო გირაო მოითხოვა

პროკურატურამ ელენე ხოშტარიას მიმართ 5000 ლარიან საპატიმრო გირაო მოითხოვა - ამის შესახებ სასამართლო სხდომაზე...

ცეცხლსასროლი იარაღის უკანონო შენახვა-ტარების ბრალდებით დაკავებულია ზურაბ ზვიადაური

თბილისში დააკავეს ძიუდოში ოლიმპიური ჩემპიონი და "ოცნების" ყოფილი დეპუტატი ზურაბ ზვიადაური. ინფორმაციას ამის შესახებ შსს-ს...