გაკეთდა განცხადებები იმასთან დაკავშირებით, რომ სოფელ რეხაში ყაყიტაშვილების საცხოვრებელ სახლთან აღმოჩენილი ცხოველის კვალი სავარაუდოდ არ უნდა ეკუთვნოდეს ვეფხვს.
თბილისის ზოოპარკის დირექტორმა ზურაბ გურიელიძემ. რომელმაც ადგილზე შეისწავლა ნაკვალევი, განაცხადა, რომ ეს კვალი არ უნდა ეკუთვნოდეს ვეფხვს. თუმცა, კონკრეტულად რა ცხოველი დაფიქსირდა, ამასთან დაკავშირებით ჯერჯერობით სპეციალისტები კონკრეტულ განცხადებას ვერ აკეთებენ.
დღეს დილით 112-ში შესული სატელეფონო ზარის საფუძველზე სპეცრაზმმა და სხვა შესაბამისმა სამსახურებმა მტაცებლის საძიებო სამუშაოები დაიწყეს. ადგილობრივების მტკიცებით, რეხის განაპირას დასახლებულ ადგილას ვეფხვის კვალი ნახეს.
მედიაში ვრცელდება ზურაბ გურიელიძის მიერ შედარებისთვის მიწოდებული ვეფხვისა და სხვა ცხოველების ნაკვალევის გამოსახულებები.