6 ივნისი იონაობაა. ზუგდიდის მუნიციპალიტეტის სოფელ ცაიშში წლებია დღესასწაულს აღნიშნავენ. წელს ქართველი მწერლის, პუბლიცისტის, პატრიოტისა და საზოგადო მოღვაწის დაბადებიდან 163 წელი შესრულდა. 1852 წლის 26 ნოემბერს იონა მეუნარგია დეკანოზ მიხეილ მეუნარგიასა და სუსანა გაწერელიას ოჯახში დაბადებულა. მისი პიროვნება ხასიათდებოდა თავისუფლებისა და სამშობლოსადმი უდიდესი სიყვარულის მატარებელ მებრძოლად. გამოჩენილი ქართველი მოღვაწის შემოქმედებიდან განსაკუთრებულ ყურადღებას იქცევს წერილები – ნანახი და განაგონი ილიას ცხოვრებიდან,ცხოვრება და ღვაწლი გრიგოლ ორბელიანისა და სხვა. იონა მეუნარგიას სახლ-მუზეუმში საღამო გაიმართა, რომელშიც მონაწილეობა ადგილობრივი სკოლის მოსწავლეებმა და ფოლკლორულმა ანსამბლებმა მიიღეს. ტრადიციული ქართული სიმღერა შეასრულეს ანსამბლ ოდოიასა და ჩელას მომღერლებმა. სამეგრელოს უდიდეს შემოქმედი კიდევ ერთხელ გაიხსენეს და პატივი მიაგეს. სამეგრელოს კუთხის უდიდესი შემოქმედი მისსავე სოფელში დღეს კიდევ ერთხელ დიდი პატივით გაიხსენეს და მისი შემოქმედება ფართო საზოგადოებას გააცნეს.