არასამთავრობო ორგანიზაცია „საქართველოს სახელმწიფო მოდერნიზაციის ინსტიტუტის“ წევრებმა დღეს შოთა მესხიას სახელობის სახელმწიფო სასწავლო უნივერსიტეტში შეხვედრა და პროექტის „უკან მომავალში“ პრეზენტაცია გაიმართა. ორგანიზაციის მთავარი პრიორიტეტი სტუდენტური ქსელის ჩამოყალიბებაა, ასევე პირველი პროექტი საქართველოს ევროკავშირში ინტეგრაციასთან არის დაკავშირებული. ორგანიზაციის დამფუძნებლის გიორგი თუთბერიძის განმარტებით, ეს ერთ-ერთი ბირთვი იქნება იმისა, რომ საზოგადოება სწრაფად განვითარდეს. არასამთავრობო ორგანიზაციის დღევანდელ შეხვედრას და პროექტის პრეზენტაციას უნივერსიტეტის სტუდენტები და პროფესორ-მასწავლებლები ესწრებოდნენ.
