ბავშვთა დაცვის საერთაშორისო დღეს მიეძღვნა კონცერტი #1 სამუსიკო სკოლაში, სადაც პედაგოგების იზოლდა კეიდიას, მზია მოსიას, მარინა ბუაძის, ლარისა ქვარცხავას კლასის მოსწავლეებმა მიიღეს მონაწილეობა.საფორტეპიანო განყოფილების მოსწავლეებმა შეასრულეს კლასიკოსების ნაწარმოებები.თითოეული მოსწავლის მიერ შესრულებულმა ნომერმა მაყურებლის აპლოდისმენტები დაიმსახურა.კონცერტს მოდერატორობას უწევდნენ ამავე სკოლის მოსწავლეები ლუკა ნადარაია, საბა ჩარგაზია და გიორგი ხუფენია.ნორჩი მუსიკოსების მიერ შესრულებული ნაწარმოებები მაყურებელში ემოციებსა და სათუთ განცდებს აღძრავდა, მოზარდები მთელი მონდომებით უკრავდნენ საყვარელ ინსტრუმენტზე, ხელოვნება მათთვის ის ძვირფასი განძია, რასაც მუსიკა ჰქვია. თითოეული მათგანი სიხარულითა და ბედნიერებით სავსე მადლიერებას გამოხატავდნენ პედაგოგების მიმართ.კონცერტს, რომელიც #1 სამუსიკო სკოლის დარბაზში ჩატარდა, ადგილობრივი ხელისუფლების წარმომადგენლებიც ესრებოდნენ. ღონისძიების დასასრულს სკოლის დირექტორმა მზია მატკავამ სამუსიკო სკოლის 2 კურსდამთავრებულს ეს დღე მიულოცა, წარმატებები უსურვა და საჩუქრად ბიბლია გადასცა. კიდევ ერთი ლამაზი დღე სასიამოვნო და საინტერესო ღონისძიებით დასრულდა, რომელიც მაყურებელს კიდევ დიდხანს ემახსოვრება.