შუალედური არჩევნები სენაკსა და ზუგდიდში მშციდ და წყნარ გარემოში მიმდინარეობს. როგორც ცენტრალური საარჩევნო კომისიის თავმჯდომარემ 12 საათისთვის გამართულ ბრიფინგზე განაცხადა, ხმის მიცემის პროცესში დარღვევები არ დაფიქსირებულა. მისივე თქმით, დილის 8 საათიდან ამომრჩევლებისთვის გაიხსნა საარჩევნო უბნები და კენჭისყრის პროცესი მშვიდ და წყნარ გარემოში მიმდინარეობს. რაც შეეხება ამომრჩეველთა აქტივობას – ცესკოს მონაცემებით, 12 საათისთვის ზუგდიდში 18,8% (217 ამომრჩეველი), ხოლო სენაკში 41,1% (541 ამომრჩეველი). სენაკისა და ზუგდიდის ოლქებში საკრებულოების შუალედური არჩევნები მიმდინარეობს. არჩევნები მაჟორიტარული საარჩევნო სისტემით №64 სენაკის საარჩევნო ოლქის, №64.13 ფოცხოს და №67 ზუგდიდის ოლქის №67.11 ერგეტის ადგილობრივ მაჟორიტარულ საარჩევნო ოლქებში იმართება. აღნიშნულ ოლქებში კანდიდატები წარდგენილი ჰყავთ"ქართულ ოცნებას", "ერთიან ნაციონალურ მოძრაობას" და"თავისუფალ საქართველოს", სენაკში კი ასევე რეგისტრირებულია საინიციატივო ჯგუფისკ ანდიდატი. 
ხმის მიცემის პროცესს აკვირდებიან როგორც შესაბამისი საარჩევნო სუბიექტების წარმომადგენლები, ისე მედიაორგანიზაციები და 9 სადამკვირვებლო ორგანიზაციის 52 წარმომადგენელი.