გუშინ საქართველოს ექსპრეზიდენტი მიხეილ სააკაშვილი რიგიდან ოდესაში ჩაფრინდა, იგი ესწრება საქართველოს ფესტივალს , რომელიც 23 – 24 მაისს იმართება ოდესის კინოსტუდიაში.
,,ოდესა – მსოფლიოს ერთ-ერთი ყველაზე დიდი გამოუყენებელი პოტენციალის მქონე ქალაქია'' – განაცხადა მან უკრაინული პრესისთვის მიცემულ ინტერვიუში.
,,ამ დღეებში ოდესის კინოსტუდია პატარა საქართველოდ არის ქცეული – პავილიონებში და ქალაქის სხვა ნაწილებში მიმდინარეობს ქართული ფილმების რეტროსპექტივა ( კინოპროგრამაშია ფილმერბი ,,სურამის ციხე", ,,ნატვრის ხე'', ,,იყო შაშვი მგალობელი", ,,სამანიშვილის დედინაცვალი") , ქართული ფოლკლორული კოლექტივების გამოსვლები, მოწყობილია ქართველ ოსტატთა მიერ დამზადებული სუვენირების, ნახატების, დეკორატიული სამშვენისების გამოფენა – გაყიდვა. სტუმრებს აქვთ ქართული ეროვნული კერძების დაგემოვნების შესაძლებლობა ხალხური სიმღერებისა და ცეკვები – იუწყება უკრაინის პრესა.
ფესტივალის მხარდამჭერია საქართველოს ეროვნული კულტურის საზოგადოება ,,საქართველო"