თხილის ტკიპასთან და მავნებელ ხარაბუზასთან ბრძოლა დაიწყო.ამ საკითხთან დაკავშირებით დღეს ზუგდიდში აგრონომებსა და ფერმერებს სოფლის მეურნეობის მინისტრის მოადგილე გოჩა ცოფურიშვილი და სამეგრელო-ზემო სვანეთის მხარის რწმუნებული ლევან შონია შეხვდნენ. შეხვედრას ასევე ზუგდიდის გამგებელი ედიშერ თოლორაია ესწრებოდა.გოჩა ცოფურიშვილის განცხადებით,რეგიონის ყველა მუნიციპალიტეტში მობილიზებულია სპეციალური ტექნიკა და შხამქიმიკატები, რათა მავნებელის განადგურება დროულად მოხდეს.სამეგრელო-ზემო სვანეთის რწმუნებულის ლევან შონიას განცხადებით, რეგიონის მოსახლეობის მთავარი შემოსავლების წყარო თხილია და აუცილებელია მავნებელი დროულად განადგურდეს.მოსახლეობამ შეწამლისთვის ადგილობრივ გამგეობებს და სოფლის რწმუნებულებს უნდა მიმართოს, რის შემდეგაც ტექნიკა გამოიყოფა.