ორგანიზაციამ „ენა, მამული, სარწმუნოება“, რომელსაც დეკანოზი მიქაელ ასათიანი ხელმძღვანელობს, დღეს ზუგდიდში გაცნობითი ხასიათის შეხვედრა გამართა. ორგანიზაციის ხელმძღვანელმა დააანონსა, რომ ისინი მალე პილიტიკურ ჯგუფად ჩამოყალიბდებიან და მომავალ არჩევნებში მიიღებენ მონაწილეობას. დეკანოზი მიქაელ ასათიანი განმარტავს, რომ შეხვედრები სიმბოლურად ზუგდიდიდან დაიწყო და ამით მთავარი მესიჯი გაუგზავნეს რუს ოკუპანტებს, რომ საქართველო არასდროს დათმობს ტერიტორიულ მთლიანობას და რუსულ ორბიტაზე არასდროს მოექცევა. ორგანიზაციის ხელმძღვანელი შეხვედრებს მომავალში სხვა რეგიონებშიც ინტენსიურად გეგმავს.