იმედი მაქვს, ჩვენი დღევანდელი დისკუსია წაადგება ქვეყნის განვითარებას, – ამის შესახებ საქართველოს პრეზიდენტმა გიორგი მარგველაშვილმა პარლამენტში, ფრაქციათა თავმჯდომარეების გამოსვლების შემდეგ, შემაჯამებელ სიტყვაში განაცხადა.
ქვეყნის პირველმა პირმა მის მოხსენებაზე შეფასებების დაფიქსირებისთვის დეპუტატებს მადლობა გადაუხადა.
“მადლობა მინდა გადავუხადო პარლამენტის დეპუტატებს, ფრაქციების თავმჯდომარეებს, რადგან გაგვიზიარეს თავიანთი შეხედულებები. იმედი მაქვს, ის, რაზეც დღეს ვისაუბრეთ, დადებით გავლენას მოახდენს ჩვენი ქვეყნის წინასვლასა და განვითარებაზე. ასევე იმედი მაქვს, რომ იმ საკითხების გადაწყვეტაში, რომელიც მნიშვნელოვანია ჩვენი პოლიტიკური სისტემის გაძლიერებისთვის, აქტიურად ჩაერთვებიან როგორც პარლამენტის დეპუტატები, ასევე მთავრობის, თვითმმართველობის, საზოგადოების, არასამთავრობო ორგანიზაციებისა და პოლიტიკური პარტიების წარმომადგენლები. იმედი მაქვს, ჩვენი დღევანდელი დისკუსია წაადგება ქვეყნის განვითარებას”, – აღნიშნა პრეზიდენტმა.