"კახა კალაძე გარეულია კორუფციულ საქმეში"- განაცხადა.”ერთიანი ნაციონალური მოძრაობის” წევრმა ოთარ სირაძემ ბრიფინგზე
მისი თქმით, კალაძემ და ბიძინა ივანიშვილმა საკუთრებაში არსებული ”პროგრესბანკი” საეჭვო ვითარებაში მიყიდა ”თი-ბი-სი" ბანკს. ამ გარიგების შესახებ რამდენიმე დღის წინ გახდა ცნობილი.
"საქმეში ფიგურირებს პანამაში ფულის გათეთრებაში ბრალდებული, ილია გავრილოვი, რომელიც ”პროგრესბანკის” მეწილე იყო,"- ამტკიცებს "ნაციონალური მოძრაობის" წევრი მისი თქმით, გავრილოვი 2016 წელს რუსეთში ფულის გათეთრებაში დაადანაშაულეს და მოსკოვში ფედერალური დეპოზიტური ბანკი დაუხურეს. ამის შემდეგ კი ის ივანიშვილთან ერთად ”პროგრესბანკის” მეპატრონე ხდება.
ოთარ სირაძე პროკურატურისა და ეროვნული ბანკისგან საქმის შესწავლას მოითხოვს, კერძოდ, რა ვითარებაში და რის სანაცვლოდ მოხდა ეს გარიგება.
კახი კალაძის “პროგრეს ბანკის“ 9 პროცენტი ბიძინა ივანიშვილმა 2011 წელს 1 მილიონ 300 ათას ლარად იყიდა. „სს „პროგრეს ბანკსა“ და სს „ქართუ ბანკს“ შორის თანამშრომლობის მემორანდუმი 7 ნოემბერს გაფორმდა.
2008 წელს დაფუძნებული ,,პროგრეს ბანკი’’ საერთაშორისო საინვესტიციო ჯგუფის ,,კალა კაპიტალის’’ საკუთრება იყო.