მას შემდეგ, რაც იძულებული გახდა, პერემიშლი-კიევის რეისის მატარებელი დაეტოვებინა, საქართველოს მესამე პრეზიდენტმა მიხეილ სააკაშვილმა განაცხადა, რომ უკრაინაში შესვლის პირველ გეგმას უბრუნდება.
"ჩვენ გთავაზობთ ყველას, ავტობუსებით წავიდეთ "კრაკოვეცისკენ" – განაცხადა მიხეილ სააკაშვილმა.
ექსპრეზიდენტის თქმით, უკრაინის ხელისუფლება იმედოვნებს, რომ ის ვერ ჩააღწევს უკრაინის საზღვრამდე.
უკრაინის ხელისუფლება ველურივით იქცევა – იმედი აქვს, რომ უკრაინამდე ვერ ჩავალ და პოლონეთის ტერიტორიაზე დავრჩები და მას პრობლემები არ ექნება. ასე არ იქნება“, – განაცხადა მიხეილ სააკაშვილმა. – ასეთ საჩუქარს პოროშენკოს არ გავუკეთებ. წავალ საზღვარზე, გავესაუბრები მესაზღვრეებს და დავიცავ ჩემს უფლებას, დავბრუნდე უკრაინაში“ .
მან ასევე დასძინა, რომ თუ „ტიტუშკები“ რამეს გააკეთებენ“,პასუხისმგებლობა უკრაინის ხელისუფლებას დაეკისრება.
"ჩვენ დავკარგეთ დრო, მაგრამ არა ენთუზიაზმი და სიმტკიცე", – განაცხადა სააკაშვილმა. მისი თქმით, გზაში წასახემსებლად გაჩერდებიან.
პერემიშლიდან "კრაკოვიცეს" სასაზღვრო პუნქტის მიმართულებით ორი ავტობუსი დაიძრა: ერთში პოლიტიკოსები, მეორეში კი – მედიის წარმომადგენლები სხედან.
