აფხაზეთის საინფორმაციო სააგენტო sukhum-moscow.ru აქვეყნებს ვიდეოსიუჟეტს, რომელშიც გალის მკვიდრი ქართველი ქალები რაიონის ყოფით პრობლემებზე მსჯელობენ. სიუჟეტი ჩაფიქრებულია როგორც გალის მოსახლეობის პრობლემებისადმი აფხაზური მედიისა და დე-ფაქტო ხელისუფლების ყურადღებისა და მზრუნველობის გამოხატულება.
როგორც სიუჟეტის წამყვანის ტექსტშია ნათქვამი,,,აფხაზეთის გალის რაიონში უკვე მრავალი წელია ერთი და იგივე რიგის პრობლემები დგას: ეს არის რაიონის მკვიდრთა მიერ დოკუმენტების არქონა, განათლების სისტემის ფუნქციონირებასთან დაკავშირებული ხარვეზები და ტრანსპორტის ხელმიუწვდომლობა დასახელებული პუნქტების უმრავლესობაში. ,,ოდიში ნიუსი'' თქვენს ყურადღებას მიაპყრობს დე-ფაქტო ხელისუფლების პოლიტიკაში გამოკვეთილ ტენდენციას ხელი შეუწყოს მოსახლეობის რუსიფიკაციას რუსულენოვანი საბავშვო ბაღების შემოღებით, რაც რუსულენოვან სკოლებთან ერთად მიზნად ისახავს მათ გაუცხოებას მშობლიური ქართული ენისადმი.