მთავრობის დღევანდელ სხდომაზე პრემიერმინისტრმა გიორგი კვირიკაშვილმა კრიზისების საბჭოს სტრუქტურის განახლებაზე და სტიქიის წინააღმდეგ საბრძოლველად ეფექტიანობის ამაღლებაზე იმსჯელა.ამ განცხადებას "რესპუბლიკური პარტიის" ერთ-ერთი ლიდერი ლევან ბერძენიშვილი გამოეხმაურა. მან კრიზისების მართვის საბჭო "სახელმწიფოს ტანზე არსებულ წურბელას" შეადარა. ამის შესახებ სააგენტო ipn-ი წერს."პრემიერმინისტრის დღევანდელი გადაწყვეტილება არის სწორი, მიუხედავად იმისა, რომ დაგვიანებულია, მაგრამ არ ვარ დარწმუნებული, რომ ცვლილებები სწორად განხორციელდება იმიტომ, რომ არ მესმის, როგორ არ მოიხსნა პირველივე დღეს მინდია ჯანელიძე", – თქვა ბერძენიშვილმა."კრიზისების მართვის საბჭო, რომელსაც მინდია ჯანელიძე ხელმძღვანელობს, არის მუწუკი, წურბელა სახელმწიფოს ტანზე იმიტომ, რომ აბსოლუტურად არაფერს აკეთებს. არც ტექნიკა აქვს, არც მომზადებული კადრები ჰყავს, ხელმძღვანელი როგორი მძინარაც არის, ყველამ იცის – ყველამ ჩაასწრო სტიქიის ადგილზე. „ფე-ეს-ბეს“ კადრია, რუსეთის აგენტია, მაგრამ რუსეთმა ისიც კი არ დაავალა, რომ კარგი აგენტი იყოს, მომზადებული იყოს და რაღაცაში მაინც ერკვეოდეს. ამიტომ, ყველანაირი სტრუქტურული ცვლილება, თუ ხელმძღვანელი იგივე დარჩება, იქნება უაზრობა. თავისთავად, ბორჯომში განვითარებულმა მოვლენებმა აჩვენა, რომ ეს სამსახური უნდა არსებობდეს და უნდა იყოს ძალიან სერიოზულად მომზადებული – პრემიერი რომ აქრობდა ხანძარს, ეს არ იყო სწორი. შრომის გადანაწილება არ გაკეთდა სწორად. მთავრობას ეჭირა ხელში ბარი და თვითონ იყო მეხანძრე. სინამდვილეში, ასე არ უნდა იყოს, უნდა არსებობდეს სამსახური, რომლებიც უნდა აქრობდეს ხანძარს და ასევე უნდა აკეთებდეს პრევენციას – წინასწარ უნდა იცოდეს, სად რა შეიძლება მოხდეს. საქართველოს, რომელიც ხანძარსაშიში ქვეყანაა, როგორ შეიძლება შვეულმფრენები და თვითმფრინავები არ ჰყავდეს?", – განაცხადა ლევან ბერძენიშვილმა.
სიახლეები
სიახლეები
საიამ სტრასბურგში რუსეთის წინააღმდეგ ანწუხელიძისა და სხვა სამხედროების საქმეები მოიგო
სტრასბურგის ადამიანის უფლებათა ევროპულმა სასამართლომ (ECHR) საქმეზე „მალაჩინი და სხვები რუსეთის წინააღმდეგ“ გადაწყვეტილება გამოაქვეყნა,...
სიახლეები
“დროა”-ელენე ხოშტარიას ჯანმრთელობის მდგომარეობა კიდევ უფრო გაუარესდა
ელენე ხოშტარიას ჯანმრთელობის მდგომარეობა გაუარესდა - ინფორმაციას პარტიის პრესსამსახური ავრცელებს.
პრესსამსახურის ცნობით, ამ წუთებში, ციხეში,...
მსოფლიო
უკრაინის იერიშების გამო რუსეთი საწვავის იმპორტსა და მის სუბსიდირებას განიხილავს
გაზეთ Ведомости-ს ინფორმაციით, რუსეთი საწვავის იმპორტსა და ნავთობპროდუქტებზე ფასების დასაწესებლად შესაბამისი სუბსიდიების შემოღებას განიხილავს,...
სიახლეები
შსს- თბილისში კუსტარული ნარკოლაბორატორია აღმოაჩინეს, დაკავებულია ყაზახეთის 2 მოქალაქე
შინაგან საქმეთა სამინისტროს ცნობით, თბილისში კუსტარული ნარკოლაბორატორია აღმოაჩინეს და ნარკოდანაშაულის ბრალდებით ყაზახეთის ორი მოქალაქე...