საქართველოს მეოთხე პრეზიდენტი გიორგი მარგველაშვილი ოფიციალური წერილით ითხოვს მესამე პრეზიდენტ მიხეილ სააკაშვილთან შეხვედრას.
ამ თხოვნით მან ოფიციალურ ორგანოებს უკვე მიმართა.
“როგორც მოგეხსენებათ, ჩემს საჯარო განცხადებებში გამოვხატე სურვილი შევხვდე საქართველოს მესამე პრეზიდენტს, ბატონ მიხეილ სააკაშვილს, რომ განვიხილო საქართველოს პრეზიდენტის, ქალბატონი სალომე ზურაბიშვილის მიერ ინიცირებული ეროვნული შერიგების პროცესი.
სწორედ ამ საკითხზე სასაუბროდ, გთხოვთ, გამონაკლისის სახით, დამრთოთ ნება გორის სამხედრო ჰოსპიტალში მოვინახულო საქართველოს მესამე პრეზიდენტი მიხეილ სააკაშვილი.
საქართველოს მეოთხე პრეზიდენტი,
გიორგი მარგველაშვილი”, – წერია მიმართვაში.
შეგახსენებთ, საქართველოს მესამე პრეზიდენტს მიხეილ სააკაშვილს, საქართველოში ჩამოსვლისას მისი დაკავების შემდეგ, ამ დრომდე გორის სამხედრო ჰოსპიტალში მკურნალობენ.