ხატია დეკანოიძემ მიხეილ სააკაშვილის გორის სამხედრო ჰოსპიტალში მოინახულა. შეხვედრის შემდეგ, რომელიც რამდენიმე საათს გაგრძელდა, დეკანოიძემ მედიასთან თქვა, რომ ექსპრეზიდენტთან ისაუბრა როგორც ქვეყნის შიგნით, ისე საზღვრებს გარეთ განვითარებულ პოლიტიკურ მოვლენებზე. რაც შეეხება სალომე ზურაბიშვილის ინიციატივას, დეკანოიძე ამბობს, რომ ექსპრეზიდენტი მოქმედი პრეზიდენტის გადადგმულ ნაბიჯებს აფასებს, თუმცა მას შერიგებას ვერ უწოდებს.
“საქართველოს პრეზიდენტის მიერ შემოთავაზებულ კონკრეტულად პოლიტიკური თამაშის წესების შეთანხმებას — მე ამას შერიგებას ვერ დავარქმევდი და არც თვითონ არ ფიქრობს, რომ ამ პორცესს შერიგება უნდა ვუწოდოთ — აფასებს ამ პროცესს ნამდვილად. ამბობს, რომ ძალიან მნიშვნელოვანია, განსაკუთრებით, პოლიტიკური მართლმსაჯულების ნაწილში”, — განაცხადა ხატია დეკანოიძემ.
მან ექსპრეზიდენტის ჯანმრთელობის მდგომარეობაზეც ისაუბრა.ამბობს, რომ სააკაშვილი ბოლოს ორი კვირის წინ ნახა და ამ პერიოდში საგრძნობლად არის დაკლებული წონაში, სივიწრიბის გამო არა აქვს მოძრაობის , სუფთა ჰაერით სუნთქვის საშუალება,მისი რეაბილიტაცია ისეთ პირობებში, იმ გალიაში,— უკაცრავად, ცოტა უხეში გამოთქმაა,- წარმოუდგენელია”, — განაცხადა ხატია დეკანოიძემ.