თბილისში, ოპერასთან ”გაზპრომის” წინააღმდეგ გამართულ აქციაზე, რომელსაც სტუდენტები მართავდნენ და გაზპრომთან მოლაპარაკებებს აპროტესტებდნენ, დააკავეს ტელეკომპანია "ტაბულას" გენერალური დირექტორი თამარ ჩერგოლეიშვილი. შინაგან საქმეთა სამინისტროში განმარტავენ, რომ ჩერგოლეიშვილი ადმინისტრაციულ სამართალდარღვევათა კოდექსის 150-ე მუხლის საფუძველზეა დაკავებული, რაც თვითმმართველი ორგანოს იერსახის დამახინჯებას გულისხმობს. დაკავება მოხდა მაშინ, როცა აქციის მონაწილეები ოპერის თეატრთან პოსტერებს აკრავდნენ. ჩერგოლეიშვილი პოლიციის განყოფილებაშია გადაყვანილი. დაკავებულია აგრეთვე ტაბულას'' გენერალური პროდუსერი ლექსო მაჭავარიანი და სტუდენტი სალომე ხვადაგიანი .შეგახსენებთ, თამარ ჩერგოლეიშვილი კრიტიკულად აფასებს საქართველოს სახიფათო თამაშებს გაზპრომთან . ,,საქართველოს თავისუფლება საფრთხეშია – ხელისუფლებას ,,გაზპრომის'' ხაფანგში შევყავართ. რუსული გაზი პუტინის გეოპოლიტიკური იარაღია. გაზპრომზე დამოკიდებულება ნიშნავს დამორჩილებულ, ღარიბ , გაყინულ და ბნელ საქართველოს. საქართველოს ენერგოდამოუკიდებლობა ჩვენი ხალხის მონაპოვარია. ჩვენ ის არ უნდა დავთმოთ'' – ასე გამოეხმაურა თამარ ჩერგოლეიშვილი პირველივე ცნობას გაზპრომთან მიმდინარე მოლაპარაკებების შესახებ