საკონსტიტუციო სასამართლო ხუთი ოპოზიციური პარტიის არაკონსტიტუციურად ცნობის შესახებ სარჩელს განიხილავს. „ერთიანი ნაციონალური მოძრაობის“ წევრის, ლევან ბეჟაშვილის განცხადებით, ორდღიანმა მოსმენებმა აჩვენა, რომ მმართველი გუნდის სარჩელი ანტიკონსტიტუციურია და საერთაშორისო სამართლის პრაქტიკას ეწინააღმდეგება.

დღევანდელ პროცესზე სასამართლო „კოალიცია ცვლილებისთვის“ წარმომადგენლების ახსნა-განმარტებებს ისმენს.

საქმის განხილვა 21 ოქტომბერს, პარლამენტის 88 წევრის სარჩელის საფუძველზე დაიწყო. საკითხს საკონსტიტუციო სასამართლოს პლენუმი შვიდი მოსამართლის შემადგენლობით განიხილავს.

მმართველი უმრავლესობა „ერთიანი ნაციონალური მოძრაობის“, „კოალიცია ცვლილებისთვის“, „ძლიერი საქართველოს“, „გახარია საქართველოსთვის“ და „ფედერალისტების“ აკრძალვას ითხოვს.

ბეჟაშვილის ვარაუდით, „ქართული ოცნება“ სასამართლოში საკუთარი წარმომადგენლების შეცვლას ეცდება