ათი პაციენტი და ხუთი პოლიციელი დაშავდა ლვოვის ფსიქიატრიული საავადმყოფოს შენობაში მძევლების განთავისუფლებისათვის ჩატარებული სპეცოპერაციის დროს. – გუშინ საავადმყოფოს ერთ-ერთმა პაციენტმა საავადმყოფოს 76 პაციენტი მძევლად აიყვანა.
პოლიციის განცხადებით, მძევლად ამყვანი 30 წლის კაცია, იგი 4 აგვისტოს, დილით დააბრუნეს ნათესავებმა ერთთვიანი პაუზის შემდეგ – მანამდე, ბოლო ოთხი წლის მანძილზე იგი ამავე საავადმყოფოში გადიოდა იძულებით მკურნალობას მას შემდეგ, რაც დანით აჩეხა საკუთარი მამა (გარდაცვლილს 72 ჭრილობა ჰქონდა მიყენებული).
საღამოს ჩვიდმეტი საათისთვის პაციენტს არაადექვატური ქცევები შენიშნეს, მაგრამ, სანამ ექიმები სათანადო ზომების მიღებას მოასწრებდნენ, მან სხვა პაციენტები შენობის ერთ მხარეს შერეკა, კარები შიგნიდან გადაკეტა და მძევლებს დანით დაერია.
შენობასთან შეკრებილი ადამიანები ამბობენ, რომ შიგნიდან განწირული ყვირილი და მსხვრევის ხმა გამოდიოდა, რის შემდეგაც პოლიციამ შტურმით აღების გადაწყვეტილება მიიღო.
პოლიციამ ბოროტმოქმედის განეიტრალება მოახერხა და მძევლები გაათავისუფლა. შტურმისას ხუთი პოლიციელი დაშავდა.
შენობაში შტურმის სემდეგ შესულ ჟურნალისტებს საშინელი სურათი დახვდათ. მედიაში და სოციალურ ქსელებში გავრცელებულ ვიდეო და ფოტოკადრებში ჩანან
დაჩეხილი ადამიანები, ირგვლივ სისხლის გუბეებია…
როგორც გაირკვა, დაჭრილია ათი ადამიანი , აქედან სამი – განსაკუთრებით მძიმე მდგომარეობაშია, ერთს ყელი აქვს გამოჭრილი, დანარჩენ ორს ღრმა ჭრილობები აქვს მიყენებული ზურგზე და ხელებში.
