ზუგდიდის მერობის ოპოზიციური კანდიდატი, ანზორ მელია, კონკურენტს სახელისუფლებო პარტიიდან, მამუკა წოწერიას, მიმართავს, რომ მისი მერიც იქნება.
“ვიქნები თქვენი ოჯახის მეგობარი მერი… კანდიდატსაც მივმართავ, რომ მისი მერიც ვიქნები”, – თქვა მელიამ სპეციალურ ბრიფინგზე.
ოპოზიციის საერთო კანდიდატმა ამომრჩეველს გამოხატული მხარდაჭერისთვის მადლობა გადაუხადა.
დიდი მადლობა, ჩემო ზუგდიდელებო, იმ მხარდაჭერისა და სიმამაცისთვის, რაც დღეს გამოიჩინეთ. მერწმუნეთ, რომ მე ვიქნები თქვენი ოჯახის მეგობარი მერი. კანდიდატსაც მივმართავ, რომ მისი მერიც ვიქნები და დამთავრდება ის დაპირისპირება, რაც აქამდე იყო. მე მინდა, მადლობა ვუთხრა ჩემს გუნდს, რომლებიც 2 თვის განმავლობაში არ მომშორებიან გვერდიდან და იბრძოდნენ ვაჟკაცურად”– განაცხადა ანზორ მელიამ.
კანდიდატმა განსაკუთრებული მადლობა პატიომრობაში მყოფ მესამე პრეზიდენტს, მიხეილ სააკაშვილს გადაუხადა.
მადლობა მინდა, მოვახსენო ჩემს უძვირფასეს პრეზიდენტს, ბატონ მიხეილს, იმ თანადგომისთვის, იმ სიყვარულისთვის, რასაც მე ვგრძნობდი ციხიდან გამოგზავნილ წერილებში. მადლობა ყველას და მერწმუნეთ, მე გავამართლებ თქვენ ნდობას, – ამბობს ანზორ მელია.