,,სიტყვისა და გამოხატვის თავისუფლება, დამოუკიდებელი და პლურალისტური მედია – დემოკრატიის ფუნდამენტური ორიენტირია, რომლის არსებობაც, სამწუხაროდ, დღეს საქართველოში კითხვის ნიშნის ქვეშ დადგა“ – თავისუფალი მედიის წინააღმდეგ საქართველოში მიმდინარე პროცესებზე საუბრობს არასაპარლამენტო ოპოზიცია. გავრცელებულ განცხადებაში ნათქვამია, რომ „ბიძინა ივანიშვილის და ქართული ოცნების უშუალო ჩარევით დაიხურა პოლიტიკური თოქ შოუ საზოგადოებრივ არხზე, ტელეკომპანია იმედზე და საფრთხე შეექმნა ერთ-ერთი წამყვანი ტელეკომპანიის რუსთავი 2-ის ნორმალურ ფუნქციონირებასა და არსებობას.“ "მიგვაჩნია, რომ პლურალისტური გარემოს წინააღმდეგ დაწყებული აგრესია და საპროტესტო აქციებში მონაწილეობის გამო, კრიტიკულად განწყობილი მოქლაქეების სისხლის სამართლებრივი დევნა მმართველი ძალის ლეგიტიმური სივრციდან გასვლის წინაპირობაა, რაც საბოლოო ჯამში, 2016 წლის საპარლამენტო არჩევნებში ხელისუფლების უზურპაციის საფუძველს იძლევა." 9 პარტიის წარმომადგენლები მიმართავენ ხელისუფლბას და პერსონალურად ბიძინა ივანიშვილს "დაუყოვნებლივ შეჩერდეს ავანტიურა, მიმართული დამოუკიდებელი მედიის და თავისუფალი სიტყვის წინააღმდეგ. სხვა შემთხვევაში ქართული საზოგადოება და პოლიტიკური სპექტრი გამოიყენებს კონსტიტუციით მინიჭებულ ყველა შესაძლებლობას და დაიცავს დემოკრატიის ფუნდამენტურ უფლებებს“ – წერია განცხადებაში.