“ქართული ოცნების” დეპუტატს, ირაკლი ჩიქოვანს, ზუგდიდში “ერთიანი ნაციონალური მოძრაობის” კანდიდატის გამარჯვების არ სჯერა. ამის შესახებ მან პარლამენტის პლენარულს სხდომაზე განაცხადა. ჩიქოვანის თქმით, ყველაზე დიდმა ოპოზიციურმა პარტიამ ზუგდიდი ბოროტების ციტადელად აქცია და წარმოუდგენელია, რომ მათ ადგილზე ასეთი მაღალი მხარდაჭერა ჰქონდეთ.
დეპუტატმა მხარდამჭერებს არჩევნებში აქტიურობისკენ მოუწოდა.
ჩემთვის წარმოუდგენელია, რომ ჩემს ზუგდიდში, ჩემს ქალაქში, სადაც არა ერთხელ გათელა “ნაციონალურმა მოძრაობამ“ და ფეხები შეაწმინდა მეგრელების და ზუგდიდელების ღირსებას, წარმოუდგენელია ჩემთვის, რომ ამ პოლიტიკურ ძალას ჰქონდეს მაღალი მხარდაჭერა ადგილზე. არ მესმის, როგორ შეიძლება, ჩვენ ვაპატიოთ ადამიანებს, როდესაც სამეგრელო აქციეს პრაქტიკულად ბოროტების ციტადელად. მე კიდევ ერთხელ მოგიწოდებთ, ჩვენო მხარდამჭერებო, ჩვენო თანამოქალაქეებო, აუცილებელია, ვიაქტიუროთ, – განაცხადა ჩიქოვანმა.