ციცინო შენგელია, მაია მიქავა, ნათია ღურწკაია, ეკატერინე ფარულავა, ნინიკო შარია და მალვინა კოტუა სამეგრელოში მცხოვრები ის მეწარმე ქალები არიან, რომლებმაც პაჩაკუჩა (PechaKucha) ფორმატის ფარგლებში ერთმანეთს გამოცდილებები გაუზიარეს და სოფლად მცხოვრები ქალების დღე საინტერესო შეხვედრით აღნიშნეს.
PechaKucha მსოფლიოში პოპულარული პლატფორმაა, რომლის დახმარებითაც ინოვატორები, მეწარმეები და ცვლილებების ინიციატორები აუდიტორიას საკუთარ იდეებსა და პროექტებზე უყვებიან. იგი ტოკიოში, 2003 წელს, ახალგაზრდა დიზაინერებმა წამოიწყეს და დღეს უკვე 1200-ზე მეტ ქალაქში იმართება. საქართველოში ამ ფორმატის შეხვედრა 2018 წლიდან ტარდება. ღონისძიების ორგანიზატორია სტარტაპ ბიურო, ერთ-ერთი მხარდამჭერი კი გაეროს ქალთა ორგანიზაციაა.