მდინარე თერგში 18 წლის ისრაელის მოქალაქე დაიხრჩო. საქართველოში სამოგზაუროდ მყოფი იონათან ადლერი ხიდზე სელფს იღებდა, როცა ფეხი დაუცურდა და მდინარეში ჩავარდა.
შს სამინისტროს საგანგებო სიტუაციათა მართვის სააგენტოს განცხადებით, ისრაელის მოქალაქის წყალში გადავარდნისა და დაკარგვის შესახებ ინფორმაცია 20 ივლისს მიიღეს და დაუყოვნებლივ დაიყეს ძებნის ოპერაცია , თუმცა ცხედრის პოვნა მხოლოდ დღეს მოხერხდა, შემთხვევის ადგილიდან 3 კმ-ის მოშორებით .
მომხდარ ფაქტთან დაკავშირებით გამოძიება სსკ-ის 116 -ე მუხლით მიმდინარეობს, რაც სიცოცხლის გაუფრთხილებლობით მოსპობას გულისხმობს.
ისრაელის პრესის ცნობით, იონათან ადლერი საქართველოში სამ მეგობართან ერთად სამოგზაუროდ იმყოფებოდა.
ავიად ფრიდმენი, რომელიც სამაშველო ჯგუფს დაღუპული ახალგაზრდის ოჯახის მოწვევით ხელმძღვანელობდა, მედიასთან ინტერვიუში აცხადებს, რომ 18 წლის ადლერის ცხედრის პოვნაში დიდი წვლილი მიუძღვით ისრაელს და საქართველოს მთავრობას, ასევე, საქართველოს საგარეო საქმეთა სამინისტროს.
მისი თქმით, ადლერის მშობლები მადლობას უხდიან თითოეულ ადამიანის, ვინც მათ ოჯახს დაეხმარა.