ჯანდაცვის მინისტრის მიერ ორი კვირის წინდამტკიცებული ახალი რეგულაციით, სამედიცინო უნივერსიტეტის კურსდამთავრებულებს, რომლებიც დიპლომის შემდგომ განათლებას უცხო ქვეყნებში იღებენ, საქართველოში ექიმის ლიცენზიის მიღება ეზღუდებათ.
დოკუმენტის მიხედვით, ახალგაზრდები სალიცენზიო გამოცდაზე დამატებითი კურსის გავლის გარეშე არ დაიშვებიან.
ცვლილება ძირითადად იმ რეზიდენტებს ეხებათ, რომლებიც დიპლომის შემდგომ განათლებას რუსეთში, უკრაინასა და ბელორუსში იღებენ. საუბარი 500-მდე ახალგაზრდაზეა, რომლებიც საქართველოში დაბრუნებასა და აქ დასაქმებას გეგმავდნენ.
მინისტრის ბრძანების შემდეგ ექიმის ლიცენზიის აღებამდე მათ დამატებით, თითქმის, ერთწლიანი სწავლა და შესაბამისი საფასურის გადახდა მოუწევთ.
როგორც ამ უცხო ქვეყნების სასწავლებლების ქართველი სტუდენტები რუსთავი 2 –თან საუბარში აცახადებენ, მინისტრის ეს ბრძანება რომელიც მოულოდნელი აღმოჩნდა მათთვის, აშკარად დისკრიმინაციულია.
.
ჯანდაცვის სამინისტრო კი კანონის გადახედვას არ აპირებს. თუ სამინისტრო პოზიციას არ გადახედავს, შესაძლოა, დავამ სასამართლოში გადაინაცვლოს. სტუდენტთა ნაწილმა უკვე მიმართა იურისტებს.