„იზვესტია“ ავრცელებს ინფორმაციას იმის შესახებ, რომ რუსეთის სახელმწიფო დუმის დეპუტატთა დელეგაცია „პატრიოტთა ალიანსის“ წევრების მოწვევით საქართველოში ჩამოვადა ქართველ კოლეგებთან მოლაპარაკებებს გამართავს.
როგორც გამოცემას რუსეთის სახელმწიფო დუმის დსთ-ს ქვეყნების კომიტეტის თავმჯდომარემ ლეონიდ კალაშნიკოვმა გაუცხადა, საპარლამენტო დიპლომატიამ ხელი უნდა შეუწყოს რუსეთსა და საქართველოს დიპლომატიური ურთიერთობების დარეგულირებაში და ეკონომიკური კავშირების განმტკიცებაში.
„ჩვენ აუცილებლად გავემგზავრებით თბილისში. რუსი პარლამენტარები სულ მცირე ათი წელი არ ყოფილან საქართველოში. ამგვარი კონტაქტები რიგი საკითხების გადასაჭრელად არის საჭირო. შეხვედრებზე განვიხილავთ დიპლომატიურ ურთიერთობებს, ეკონომიკას, შევეცდებით სავიზო საკითხი გადავჭრათ. კარგია, რომ ეს ინიციატივა ორმხრივია“, – განაცხადა კალაშნიკოვმა