ზუგდიდის 15 უბანში გადასატან ყუთში 150-მდე ჯანმრთელი ადამიანის სიაა ნაპოვნი – ამის შესახებ ჟურნალისტებს დღეს ენმ-ის ზუგდიდის ოფისში, სპეციალურ ბრიფინგზე განუცხადეს. ორგანიზაციის თავმჯდომარის ანი წითლიძის თქმით, მათგანი ქართული ოცნების წევრი, ან მერიის თანამშრომლის ოჯახის წევრია. წითლიძემ ჟურნალისტებს ვიდეომტკიცებულებაც წარუდგინა, სადაც მერიის თანამშრომლის ნუკრი მარგველანი მშობლები არიან ასახული, რომლებიც ერთ-ეღტი უბნის გადასატანი ყუთის სიაში მოხვდნენ, თუმცა, სრულიად ჯანმრთელები არიან.
საჩივრებთან დაკავშირებით ზუგდიდის 67-ე საოლქო საარჩევნო კომისიის თავმჯდომარე მირანდა მესხის პასუხი ასეთია: გადასატანი ყუთის სიების საბოლოო ვარიანტი დგება არჩევნებამდე 2 დღით ადრე, მანამდე კი ყველა განაცხადი გადის კვლევას, მესხის თქმით, მომართვიანობა არ ნიშნავს, რომ ყველა განაცხადი დაკმაყოფილდება.
ერთიანი ნაციონალური მოძრაობის ზუგდიდის ოფისმა 67-ე საოლქო საარჩენო კომისიაში ამ საკითხზე 11 საჩივარი შეიტანა. საოლქოში ენმ-ის კიდევ 30-მდე საჩივარია შესული უბნებზე დარღვევებთან დაკავშირებით.