ელექტრონული ფესტივალი Gem Fest 2017 ძალას იკრეფს. წუხელ განმუხურის მთავარ საკონცერტო სცენაზე ლეგენდარულმა მუსიკოსმა, გრემის ნომინანტმა დიჯეიმ და პროდიუსერმა Stive Aoki-მ დაუკრა. მომღერალი ჩატარებული შოუების რაოდენობით გინესის რეკორდსმენია – მუსიკოსმა 2014 წელს 41 ქვეყანაში 161 შოუ ჩაატარა. არტისტის გამოსვლები გამორჩეულია აკრობატული ტრიუკებით და უცნაური სიურპრიზებით.
მომღერლის კონცერტს განმუხურში ექს-პრემიერის ბიძინა ივანიშვილის შვილი, მომღერალი ბერა დაესწრო. ის ფესტივალზე მაშინ გამოჩნდა, როცა Stive Aoki მთავარ სცენაზე რამდენიმე წუთის გამოსული იყო. ბერა ივანიშვილი მაყურებლებთან ერთად შოუს ბოლომდე დაესწრო, ხოლო ტელეკომპანია „ოდიშთან“ ექსკლუზიურად მცირე კომენტარიც გააკეთა.
“პირველად ვარ ფესტივალზე. Stive Aoki ჩემი პარტნიორია. მან ჩემ ბოლო სიმღერას ძალიან დაუჭირა მხარი ბრიტანეთში და აშშ-ში, მას ეკუთვნის ამ სიმღერის ნახევარი. ამ ფესტივალზე პირველად ვარ, Stive Aoki-ის დამსახურებით რათქმაუნდა და ძალიან მომწონს აქაურობა. არ ვერკვევი ელექტრონულ მუსიკაში სიმართლე რომ გითხრათ, ახალი ხილია ჩემთვის. ძალიან მომწონს პუბლიკა, გარემო, განწყობა. – განაცხადა ბერა ივანიშვილმა ექსკლუზიურად ტელეკომპანია „ოდიშის“ გადამღებ ჯგუფთან საუბრისას.
ყოფილი პრემიერ-მინისტრის, მილიარდერ ბიძინა ივანიშვილის შვილი წუხელ განმუხურში მეგობრებთან ერთად იმყოფებოდა.