,,ნაციონალური მოძრაობის” წევრი ნიკა ობოლაძე ,,ქართული ოცნების” ბრალდებებს პასუხობს. ობოლაძე აცხადებს, რომ პრობლემა არის არა სადამკვირვებლო ორგანიზაციებისა და პოლიტიკური პარტიების სიახლოვე, არამედ არჩევნების გაყალბება, რომელსაც ხელისუფლება ახდენს სუს-ის და შავი ფულის მეშვეობით.
ხელისუფლებაში არის არაადეკვატური ხალხი… ისინი ამბობენ, რომ ოპოზიციურად განწყობილი საზოგადოების ნაწილი აპირებს არჩევნებზე დაკვირვებას. ამაში პრობლემა რა არის? არჩევნებზე დაკვირვებაში კი არ არის პრობლემა, პრობლემა ისაა, როდესაც ადამიანები აყალბებენ არჩევნებს. პრობლემაა, როდესაც მუშაობენ შავი ფულით, სუს-ით, როდესაც ცესკო-ს თავმჯდომარე არის არჩეული პარტიული წესით. თუ სამოქალაქო საზოგადოების ნაწილი აპირებს, რომ დააკვირდეს საარჩევნო პროცესს, ეს ძალიან კარგია, უნდა იდარდოს მან, ვინც აპირებს გაყალბებას და არა მან, ვინც აპირებს დაკვირვებას. გაყალბება არ იყოს პრობლემა და დაკვირვება იყოს – ასეთი დონის თავხედობა ჩვენი ხელისუფლების მხრიდანაც კი ზედმეტია”. – აცხადებს ნიკა ობოლაძე.
,,ქართული ოცნების” წევრმა, გივი მიქანაძემ, დღეს საგანგებო ბრიფინგზე განაცხადა, რომ სადამკვირვებლო ორგანიზაციები მჭიდროდ არიან დაკავშირებული ოპოზიციურ პარტიებთან. მიქანაძის განმარტებით, რადიკალური ოპოზიციური პარტიები არა 2 ოქტომბრის არჩევნებისთვის, არამედ არეულობისა და დესტრუქციის მოსაწყობად ემზადებიან