სამგზავრო მატარებელი ,,ზუგდიდი-თბილისი'' , რომელიც 18:15 წთ-ზე გავიდა ზუგდიდიდან, სენაკში ჩასვლამდე, ქალაქიდან დაახლოებით ხუთ კილომეტრში გაჩერდა. მგზავრები ორი საათის განმავლობაში სრულ სიბნელეში, სამელი წყლის გარეშე და და , რაც მთავარია, გაჩერების მიზეზისა და გზის გაგრძელების სავარაუდო დროის შესახებ ინფორმაციის გარეშე აღმოჩნდნენ.
სამგზავრო მატარებელი თბილისში 23:40 წთ-ზე უნდა ჩასულიყო, ღამის 2 საათზეც გზაში იყო.
შეფერხდა ფოთი – თბილისის მატარებლის მოძრაობაც.
„საქართველოს რკინიგზის'' პრესსამსახურის განმარტებით, ფოთისა და ზუგდიდის მატარებლების მოძრაობა მძიმე მეტეოროლოგიური პირობების გამო შეფერხდა. ორივე სამგზავრო მატარებლის შემთხვევაში საკონტაქტო ქსელს მეხი დაეცა, რამაც მატარებლების მწყობრიდან გამიყვანა გამოიწვია. თუმცა, უწყების ინფორმაციით, პრობლემის აღმოფხვრა ორივე შემთხვევაში მოხერხდა